நாங்கள் யார்

இலங்கை அணுசக்தி சபை (SLAEB) என்பது விஞ்ஞான மற்றும் தொழில்நுட்ப அமைச்சின் கீழ் செயற்படும் ஒரு சட்டரீதியான நிறுவனமாகும். இது 2014 ஆம் ஆண்டின் 40 ஆம் இலக்க இலங்கை அணுசக்திச் சட்டத்தின் மூலம் நிறுவப்பட்டது. கதிர்வீச்சு மற்றும் கதிரியக்க ஓரிடத்தான்களின் தொழில்நுட்பம் பல்வேறு துறைகளில் பரந்த அளவில் பயன்படுத்தப்படுவதுடன், மருத்துவம், விவசாயம், கைத்தொழில், எரிசக்தி மற்றும் சுற்றுச்சூழல் ஆகிய துறைகளின் அபிவிருத்திக்கு குறிப்பிடத்தக்க பங்களிப்பை வழங்குகிறது. இலங்கையில் மேற்குறிப்பிட்ட துறைகளில் இத்தொழில்நுட்பத்தைப் பயன்படுத்துவதற்கு வசதிகளை ஏற்படுத்துவது இலங்கை அணுசக்தி சபையின் பொறுப்பாகும்.